TRASPORTO DEL FERRO
     Mi… u m chintava sü la me nona… la mi nona l’è nasüa dul mila votcent setanta scinc, che quand l’agh eva derset, dasdot agn,  la nava a viagià minera da dent in val del Bijer ch’l’as trova sot au Ganja, ch’u gh era al miner dul fer, e la purtava a Porta ainò ch’u gh era i furn da funda.
    In dì la fava dui vieč e ‘n dì tri. La travustava: la nava to ul prim viač, la l purtava magari fin a Caval; la turnava ‘ndré, la nava to ‘l secun viač, la l purtava magari fin a Funtana Cisa. Cioè travustà u uo di purtà avanti un caric, e pö na ‘ndré a to l’aut fin a rivà a la meta, cioè a ca.
E la ciapava trenta centesim al viač, cioè ogni caric ch’u rivava ji a Porta ‘nò ch’u gh era i furn, la ciapava trenta centesim.L’era la vita d’andura, düra, ma l’era cusì.

pagina precedente